ກ່ຽວກັບການຂຶ້ນແຜນເລື້ອງຄວາມປອດໄພ

ການຂຶ້ນແຜນເລື້ອງຄວາມປອດໄພແມ່ນວິທີໜຶ່ງໃນການຄຶດເຖິງແລະຂຶ້ນແຜນການກະທຳເມື່ອມີເຫດການທີ່ບໍ່ປອດໄພເກີດຂຶ້ນ.

ຄວາມຮຸນແຮງໃນບ້ານແລະໃນຄອບຄົວ: ຈະຂຶ້ນແຜນແບບໃດເພື່ອດູແລຕົນເອງ

ມີຫຼາຍວິທີໃນການຂຶ້ນແຜນຄວາມປອດໄພ. ແຜນການນີ້ຕ້ອງໃຫ້ເໝາະສົມກັບແຕ່ລະສະພາບການແລະຈະຕ້ອງລົນນະລົງເລື້ອງຄວາມປອດໄພແຕ່ດຽວນີ້. ແຜນການດັ່ງກ່າວຍັງຈະຕ້ອງປ່ຽນແປງໄປນຳ ເມື່ອສະພາບການປ່ຽນແປງ.

ແຜນການນີ້ ສາມາດຊ່ວຍໃຫ້ ຄົ້ນຫາແລະບອກ ແຜນລະອຽດເຖິງບັນດາທາງເລືອກແລະຄວາມຄິດໃນການເພີ້ມຄວາມປອດໄພເມື່ອເກີດມີຄວາມຮຸນແຮງໃນບ້ານແລະໃນຄອບຄົວ. ນອກນີ້ ມັນຍັງສາມາດຊ່ວຍຜູ້ທີ່ ໄດ້ຖືກທຳຮ້າຍທາງເພດ ເມື່ອຜູ້ທຳຮ້າຍແມ່ນຄົນທີ່ຮູ້ຈັກກັນ.

ຄອບຄົວແລະໝູ່ເພື່ອນ ເປັນຜູ້ມີບົດບາດ ສຳຄັນໃນການຊ່ວຍໃຫ້ການອູ້ມຊູແລະໃຫ້ຂໍ້ມູນ. ນອກນີ້ ກໍຍັງມີ ບັນດາບໍລິການຊ່ວຍເຫຼືອດ້ານຄວາມຮຸນແຮງໃນບ້ານແລະໃນຄອບຄົວແລະທຳຮ້າຍທາງເພດ ທີ່ຈະຊ່ວຍຈັດແຈງແລະໃຫ້ການອູ້ມຊູ. ບໍລິການເຫຼົ່ານີ້ສາມາດຊ່ວຍຄຶດຫາທາງເລືອກຕ່າງໆໄດ້.

ເຂົ້າໃຈແຜນການຄວາມປອດໄພ

ທ່ານອາດຂຶ້ນແຜນຄວາມປອດໄພໄວ້ສຳລັບຕົວທ່ານເອງຫຼືເຮັດຮ່ວມກັບຄົນໃນຄອບຄົວຫຼືໝູ່ເພື່ອນທີ່ປະສົບຄວາມຮຸນແຮງ.

ແຜນການຄວາມປອດໄພສຳລັບຕົວທ່ານ

ຖ້າເຮັດຂຶ້ນແຜນຄວາມປອດໄພສຳລັບຕົວທ່ານເອງ, ຖ້າກໍຕ້ອງມີ ຄວາມຄິດດີບາງຢ່າງ ໄວ້ແລ້ວວ່າມີຫຍັງແດ່ທີ່ເປັນຜົນ, ແລະບໍ່ເປັນຜົນ. ອັນນີ້ແມ່ນຈຸດດີ. ໃຫ້ຄຶດເຖິງສິ່ງທີ່ເຮັດແລ້ວໄດ້ຜົນ ຫຼັງຈາກນັ້ນໃຫ້ ເບິ່ງລາຍການກວດຢູ່ຂ້າງລຸ່ມນີ້ ເພື່ອໃຫ້ຮູ້ວ່າມີທາງເລືອກຢ່າງອື່ນແບບໃດແດ່ທີ່ອາດຊ່ວຍທ່ານໃນການຂຶ້ນແຜນການກະທຳເພື່ອຄວາມປອດໄພ.

ນີ້ແມ່ນສິ່ງສຳຄັນບາງຢ່າງທີ່ຄວນຈົດຈຳເມື່ອຂຶ້ນແຜນຄວາມປອດໄພສຳລັບທ່ານເອງ:

ຜູ້ທຳຮ້າຍແມ່ນຜູ້ຮັບຜິດຊອບທີ່ກໍ່ຄວາມຮຸນແຮງ. ການທີ່ທ່ານຕ້ອງພະຍາຍາມປ້ອງກັນບໍ່ໃຫ້ຄວາມຮຸນແຮງເກີດຂຶ້ນ ສາມາດເຮັດໃຫ້ທ່ານຮູ້ສຶກຄືກັບວ່າ ‘ຍ່າງຢູ່ເທິງເປືອກໄຂ່’ ເພາະວ່າຜູ້ທີ່ມັກຂົ່ມເຫັງຄົນອື່ນນັ້ນ ສ່ວນຫຼາຍ ກໍເລືອກທີ່ຈະໃຊ້ຈູດຊະນວນໃໝ່ໃນການອ້າງເຫດຜົນແລະແກ້ໂຕກ່ຽວກັບຄວາມໂມໂຫຮ້າຍແລະບໍ່ຄວບຄຸມອາລົມເດືອດຂອງຕົນ. ການຊອກຫາວິທີໃນການເພີ້ມຄວາມປອດໄພບໍ່ແມ່ນສິ່ງດຽວກັນກັບການຮັບຜິດຊອບຕໍ່ຄວາມຮຸນແຮງ ຫຼື ‘ອາລົມລະເບີດ’.
ແຜນການຄວາມປອດໄພຕ້ອງໄດ້ປັບປຸງໃຫ້ທັນເຫດການຢ່າງສະໝ່ຳສະເໝີ, ໂດຍສະເພາະເມື່ອມີການປ່ຽນແປງເຊັ່ນ ຖືພາ, ມີລູກໃໝ່, ຫຼືປ່ຽນສະພາບບ່ອນຢູ່ອາໄສ.
ບໍລິການຊ່ວຍເຫຼືອດ້ານຄວາມຮຸນແຮງໃນບ້ານແລະໃນຄອບຄົວສາມາດອູ້ມຊູທ່ານແລະຊ່ວຍອອກຄວາມຄຶດຕື່ມໃສ່ສິ່ງທີ່ທ່ານຄຶດໄວ້ແລ້ວ. ໃຫ້ກວດເບິ່ງ ທີ່ນີ້ ສຳລັບບໍລິການໃນທ້ອງຖິ່ນ [ເປັນພາສາອັງກິດ] ຫຼືໂທຫາ 1800RESPECT ທີ່ເລກໂທ 1800 737 732.

ແຜນການຮ່ວມກັບຄອບຄົວແລະໝູ່ເພື່ອນ

ເມື່ອຂຶ້ນແຜນຄວາມປອດໄພກັບຄົນຜູ້ໜຶ່ງທີ່ປະສົບຄວາມຮຸນແຮງ, ໃຫ້ເລີ້ມໂດຍການຟັງ. ແມ່ຍິງຜູ້ນັ້ນເປັນຜູ້ຊ່ຽວຊານກ່ຽວກັບສະພາບການຂອງລາວເອງ. ກ່ອນອື່ນ ໃຫ້ຟັງ, ແລະໃຫ້ຖາມກ່ຽວກັບສິ່ງທີ່ເກີດຂຶ້ນ. ອັນນີ້ ຈະຊ່ວຍໃຫ້ທ່ານເຂົ້າໃຈເລື້ອງຄວາມສ່ຽງຕ່າງໆ. ໃຫ້ຖາມວ່າລາວໄດ້ເຮັດຫຍັງແດ່ແລ້ວເພື່ອເພີ້ມຄວາມປອດໄພ, ແລະໃຫ້ເລີ້ມຕົ້ນຈາກສິ່ງເຫຼົ່ານີ້ເພື່ອຊ່ວຍລາວໃຫ້ຄຶດຫາວ່າມີຫຍັງອີກແດ່ທີ່ອາດຈະເພີ້ມຄວາມປອດ ລາຍການທີ່ຕ້ອງກວດເບິ່ງຢູ່ຂ້າງລຸ່ມນີ້ສາມາດໃຫ້ຄວາມຄຶດບາງຢ່າງວ່າຈະຂຶ້ນແຜນຢ່າງໃດແຕ່ວ່າກໍບໍ່ໄດ້ໝາຍຄວາມວ່າຄວາມຄຶດເຫຼົ່ານີ້ຈະໃຊ້ໄດ້ທັງໝົດ.

ໃຫ້ຈຳໄວ້ດ້ວຍວ່າອາດຈະມີຜູ້ທຳຮ້າຍຫຼາຍຄົນແລະຄວາມຕ້ອງການຂອງແຕ່ລະຄົນເຊິ່ງສົ່ງຜົນກະທົບຕໍ່ແຜນການ.

ໃຫ້ຈຳໄວ້ວ່າໜ້າທີ່ຂອງທ່ານບໍ່ແມ່ນເປັນຜູ້ຕັດສິນເຫດການ ຫຼື ຕັດສິນໃຈ. ‘ພຽງແຕ່ໜີໂລດ’ ບໍ່ແມ່ນທາງເລືອກທີ່ປອດໄພສະເໝີໄປ. ພວກເຮົາຮູ້ວ່າການໜີ ແມ່ນຊ່ວງເວລາທີ່ມີຄວາມສຽງສູງສຸດຕໍ່ຊີວິດແລະຄວາມປອດໄພ. ໃຫ້ເຮັດວຽກຮ່ວມກັບໝູ່ເພື່ອນຫຼືຄົນໃນຄອບຄົວເພື່ອຂຶ້ນແຜນການທີ່ໃຊ້ເປັນຜົນສຳລັບລາວ.

ນີ້ແມ່ນສິ່ງສຳຄັນບາງຢ່າງທີ່ຕ້ອງຈຳໄວ້ເມື່ອຂຶ້ນແຜນສຳລັບໝູ່ເພື່ອນແລະຄອບຄົວ:

ແຜນການຄວາມປອດໄພສາມາດເປັນສ່ວນໜຶ່ງໃນການສ້າງຄວາມສຳພັນບົນພື້ນຖານແຫ່ງຄວາມໄວ້ວາງໃຈ. ຄວາມສຳພັນແບບນີ້ ອາດເປັນຫຼັກແຫຼ່ງທີ່ສຳຄັນທີ່ສຸດສຳລັບຜູ້ຮັບເຄາະ/ຜູ້ລອດຊີວິດ.
ຖ້າມີເດັກນ້ອຍມາກ່ຽວຂ້ອງ, ທ່ານອາດເຫັນວ່າວີດີໂອຂອງພວກເຮົາເລື້ອງ ຮັກສາເດັກນ້ອຍໃຫ້ປອດໄພເປັນປະໂຫຍດ.
ທ່ານອາດຈະມີ ຄວາມຮັບຜິດຊອບຕ້ອງແຈ້ງ [ເປັນພາສາອັງກິດ] ຖ້າມີເດັກນ້ອຍສ່ຽງຕໍ່ການຖືກທຳຮ້າຍ.
ທ່ານອາດຈຳເປັນຕ້ອງໄດ້ໃຊ້ບໍລິການຊ່ຽວຊານໃຫ້ເຂົາເຈົ້າຊ່ວຍເຫຼືອທ່ານ. ຖ້າແມ່ຍິງຄົນໜຶ່ງຕ້ອງການບໍລິການເຫຼົ່ານັ້ນ, ໃຫ້ສົ່ງຕໍ່ຫາຜູ້ຊ່ຽວຊານດ້ານຄວາມຮຸນແຮງໃນບ້ານ, ດ້ານກົດໝາຍ, ດ້ານວັດທະນະທຳ ແລະ ໃນແວດວົງການອູ້ມຊູແບບຕໍ່ເນື່ອງ. ໃຫ້ກວດເບິ່ງ ທີ່ນີ້ສຳລັບບໍລິການໃນທ້ອງຖິ່ນ[ເປັນພາສາອັງກິດ], ຫຼືໂທຫາ 1800RESPECT ທີ່ເລກໂທ 1800 737 732.